ردّاً على التعليقات الساخرة من جلسات التصوير الأخيرة، وادّعاء لجوئها لتقنية الفوتوشوب لضبط مقاس الخصر، شاركت الفنانة مي عز الدين مقطع فيديو لها عبر حسابها الشخصي على انستقرام، استعرضت خلاله رشاقتها، وأغلقت مي باب التعليقات على منشور طويل مرفق بالمقطع.
مي عز الدين علّقت على المقطع الصمت قائلة: الحمد لله وسطي مطلعش فوتوشوب كنت قلقانة قوي لا يطلع فوتوشوب مش عارفة كنت هعيش إزاي أتجوز جرافيك ديزانر علشان يعملي فوتوشوب طول ماحنا ماشيين في الشارع علشان الناس متفقسنيش ولا كنت هعمل إيه يلا الحمد الله جت سليمة مشو الناس النفسية دي من هنا فيه دخلاء وسطنا يا جماعة ولا أقولكم أحنا نقفل عليهم الأكونت بليل و نظبطهم صباحو
وتابعت قائلة: أه و معلومة بس علشان الفقرة التانية اللي هيدخلو فيها من الآخر كده و خديها من واحدة خبيرة تجميل مهما عملتي تجميل ولا نحتي جسمك لو محافظتيش على أكلك و عشتي على دايت مظبوط و تعبتي إنك تحافظي عليه برضه مش هيبقي شكل جسمك كده والله جبتي جيرانك و شارعكو كله ينحت فيكي فبرضه ريحي نفسك إنتي أقفلي بوقك بس من الأكل والتعليق على الممثلات و خلق الله عموماً و كله هيبقي تمام بإذن الله ربنا هيكرمك آخر كرم .
لمشاهدة أجمل صور المشاهير زوروا أنستغرام سيدتي
