اكتب الكلمات الرئيسية فى البحث

رنا سماحة بأول تعليق على أنباء انفصالها: لن أكشف أسرار بيتي

رنا سماحة- الصورة من حسابها على انستغرام
رنا سماحة- الصورة من حسابها على انستغرام

رفضت المطربة رنا سماحة تأكيد أو نفي أنباء انفصالها عن زوجها الملحن سامر أبو طالب بعد ساعات قليلة من إعلان حملها في طفلهما الأول، وأكدت انها تعلمت داخل عائلتها أن أسرار الحياة الزوجية، لا يجب ان تغادر البيوت، وأشارت إلى أنها ترفض أن تكون "ترند" على حساب حياتها الخاصة.

رنا تلقت سؤالا مباشرا عن حقيقة أنباء انفصالها خلال لقائها ببرنامج "الستات ما يعرفوش يكدبوا"، وردت قائلة: مش عارفة، لا أستطيع إثبات أو نفي انفصالي في الوقت الحالي.

 

 

 

وأضافت: حتى لو لا قدر الله فيه انفصال، البيوت لا بد أن تتمتع بالخصوصية والاحترام، فيجب ألا يعلم الجميع ما حدث بين الزوجين".

 

وبعدها عممت رنا سماحة منشورا على كل منصاتها بمواقع التواصل الاجتماعي بعنوان عذرا أيها الترند، قالت فيه: عذراً ايها ال trend ، فلدي ما هو اغلى من كنوز العالم ، (( اتعلمت في بيت اهلي )) ان العلاقه بين الراجل والست امانه مينفعش تطلع بره البيت.

 

 

 

تابعت قائلة: خطيبتك مراتك طليقتك اياً كان، الامانه دي ولاد الاصول بس الي بيعرفوا يصونوها وميفشوش اسرارها ، ولاد الاصول بس الي مبيكذبوش ولا بيتدعوا على بعض بالباطل، ولاد الاصول مبيقذفوش المحصنات(( كبيره من الكبائر ))، ولاد الاصول بس الي مبيخونوش الامانه

 

وواصلت قائلة: ولاد الاصول بس مبيفجروش في الخصام، ولاد الاصول مش محتاجين يستعطفوا حد ولا محتاجين يتدعوا المثاليه بيسيبوا اخلاقهم تتكلم عنهم ومبيتكلموش هم عنها، ولاد الاصول مبيلقحوش على بعض مبيجيبوش سيرة بعض غير بالخير، ولاد الاصول بيعاشروا بالمعروف وبيفارقوا بالاحسان ، ومبينسوش الفضل بينهم.

 

وقالت: ده الي ربنا امرنا بيه ده الي اهالينا ربونا عليه ده الي الانسانيه بتقوله، اي حاجه غير كده تبقى عدم تربيه ..قلة دين .. انعدام اخلاق، انعدام الاخلاق ده مينفعش نزينه ونقول اوووووه ترند ، في داهيه الترند الي ينسينا اخلاقنا وتربيتنا واصولنا ، الانسان بيعيش حياته وبيمشي (( رحله ))، مش هيفضل منها غير سيرتك واعمالك الطيبه وكلمتك الي بتتصدق بيها، سيبوا الخير وانتوا ماشيين عشان الناس تدعيلكم بدل ما يدعوا عليكم، اجعل من يراك يدعو لمن رباك.

 

وطلبت رنا سماحة عدم الاتصال بها لمعرفة تفاصيل حياتها الخاصة قائلة:بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غير في شغلي فقط في الخير والفرحه وبس، عاهدت نفسي واهلي والناس الي بحبهم اني اكون خير قدوه ، عاهدت ابني الي عيني لسه مشافتوش اني اربيه على الاصول والاحترام والرقي، عاهدته اني اربيه يبقى ((راجل))، ف متستنوش مني ما يفعله الاخرون ، مش عايزه ابقى ترند.