لم يمر أكثر من شهرين على ولادة خديجة الابنة الأولى للنجم محمد إمام، ولكنها كانت فترة كافية لتنقلب حياته رأسا على عقب، لدرجة أن جمهوره على مواقع التواصل الاجتماعي صار ينتظر صوره مع ألعاب ومتعلقات الطفلة الصغيرة وتعليقاته الساخرة من حياة الزوجية وآخرها صورة أطلقها فجر اليوم وأظهر فيها شنطة السيارة معبأة بالكامل بالحقائب الخاصة بمتعلقات زوجته وابنته.
إمام نشر صورة له بجوار عدد كبير من شنط السفر التى يحملها داخل سيارته الخاصة به، وعلق عليها قائلا: لما كنت بسافر زمان كنت باخد معايا شنطة فيها أى حاجة.. دلوقتي بقيت ماشاء الله بحمل شنط زي ماكون بعزل.. ده كان ناقص ناخد معانا الكنبة.
وقبلها نشر صورة عبر حسابه بموقع إنستقرام وهو يحمل لعبه طفلته، وكتب عليها قائلا: انا ليه اصحى الاقى البتاع ده نايم جنبى وكمان بيطلع صوت غريب أوى مع انه ولا يبان عليه.
وحمل في صورة أخرى دمية للأطفال وعلق عليها قائلا: أعرفكم على صاحبي الجديد اللي انا مش عارف دا قطة ولا أرنب ولا ايه حكايته كل اللي اعرفه إنه بيسكت خديجة أنا مش أنا.
وتابع قائلًا: أنا بقيت بقضي يومي مع حاجات غريبة ده بقى ايه والنبي!؟ ده أنا شخصياً قلقان منه.
كما نشر صورة له برفقة عربة أطفال مؤكدا أنه تعب من فكها وتركيبها قائلا: أنا عمري بيضيع في فك و تركيب و شيل البتاع ده.. ده ولا كأني اشتريت نص نقل.
يُذكر أن محمد عادل إمام تزوج من نوران طلعت في شهر أغسطس من العام الماضي، وسط حضور عدد كبير من نجوم الفن والإعلام وبحضور والده الفنان عادل إمام، واستقبل مولودته الأولى خديجة في شهر يونيو الماضي، وعبر عن سعادته بقدوم مولودته في أول تعليق له بعد ولادتها: وَفِي السَّمَاءِ رِزْقُكُمْ وَمَا تُوعَدُونَ”، أول مرة أحس بجملة حياته اتقلبت ١٨٠ درجة.
وأضاف: خديجة محمد إمام .. وصلت يا جماعة يلا دلعوها بقى.. ربنا يحفظ جميع أطفالنا.
