فن ومشاهير /أخبار المشاهير

خطيبة تامر عاشور تدافع عن نفسها بعد اتهامات زوجته: قال لي أنه مطلق

خرجت ملكة جمال مصر دارين حلمي، عن صمتها بعد اتهامها بقبول الارتباط بالمطرب تامر عاشور رغم استمرار زواجه من السيدة سمر أبو شقة أم ابنته "أيام"، مؤكدة أنها لم تكن السبب في خراب بيت تامر عاشور ولم تخطفه من زوجته، وروت قصة الارتباط بينهما كاملة لأول مرة.

تامر عاشور
تامر عاشور لا يزال يحتفظ بزوجته سمر أبو شقة في عصمته

دارين وجهت رسالة مطولة لكل من اتهمها بخطف تامر عاشور من زوجته، عبر حسابها بموقع إنستقرام قائلة: يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا، أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ، صدق الله العظيم".

 

وأضافت دارين: نظرًا لاتهامات وإشاعات اتوجهت لي الفترة اللي فاتت وبدون وجه حق فكان لازم أخرج عن صمتي وأوضح موقفي لإن مش دارين اللي تاخد راجل متجوز أو تكون سبب في خراب بيت حد، وبالتالي مليش ذنب في اي حاجة".

تامر عاشور
تامر عاشور أخبر خطيبته بأنه مطلق

وتابعت قائلة: تامر دخل البيت من بابه واتقدم لأهلي رسمي على أساس إنه مُطلق وده اللي أنا كنت فاهماه زي زي جمهوره، عادي إن بنت ترتبط براجل مُطلق مش أزمة، وحصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت إنه لسة زوجته على ذمته وفيه قضايا بينهم ولم يتم الانفصال بشكل رسمي.

 

وقالت: أي بنت في الموقف ده طبعًا لازم تنسحب مهما كان الحب ومهما كانت العواطف لأن مش دارين حلمي اللي تاخد راجل من زوجته مهما كان هو مين (كده كده أنا كنت مستمرة في مسابقات ملكات الجمال وليا الكاريير الخاص بيا) فكل مرة بقرر الانسحاب كان تامر بيرفض وإن كده كده الطلاق قائم سواء أنا في حياته أو لأ وده مش يخصني في شئ.

 

وأضافت: في الآخر أنا صممت على فسخ الخطوبة بمنتهى الاحترام ما بيني وبينه لأنه مينفعش وكل التوفيق والنصيب بإيد الله، ربنا يوفقه في حياته ويوفقني في خطواتي الجاية إن شاء الله، تامر إنسان محترم مشفتش منه غير كل خير واحترام وحب وأنا بحترمه على المستوى الفني والشخصي لكن ده نصيب وربنا يوفقه في حياته واتمني محدش يتكلم في حاجة ميعرفش تفاصيلها، وشكرا لكل الناس اللي بتحبني وعرفاني كويس، أظن أنا جاوبت على كل حاجة ومش هفتح الموضوع ده تاني نهائي أرجو احترام موقفي.

 

يذكر أن زوجة تامر عاشور أكدت مؤخرا أنها لا زالت في عصمته ولكن منفصلة منذ عام ونصف وتبحث عن الطلاق، وألمحت لدارين حلمي وواقعة خطوبة تامر عاشور لها رغم أنه لا يزال متزوج، بشكل ساخر.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

شاهدي أيضاً:

مواضيع ممكن أن تعجبك

أضف تعليقا

X